65-годдзе нашага факультэта "Наша ніва" адзначыла іранічнымі выпадамі выпускнікоў філфака Зміцера Дзядзенкі і Анатоля Івашчанкі. Рэдкая "павага" да свае alma mater! У якасці фактаграфіі дыпламаваныя спецыялісты выкарысталі чуткі і плёткі. Аказваецца, усё ў навучальнай установе не адпавядае патрабаванням "беларушчыны": не развіваецца філалагічная навука, а навучальны працэс увогуле адсутнічае, бо дастаткова толькі прыходзіць на экзамены, каб праз пяць гадоў атрымаць дыплом. Дзесяткі супрацоўнікаў факультэта абураны, чакаюць прабачэнняў. Зрэшты, ці дастаткова будзе нам гэтых прабачэння???

17 лістапада 2004 года філалагічны факультэт БДУ адзначае сваё 65-годдзе. Віншуем!

-----

16 лістапада 2004 года адбудзецца чарговае пасяджэнне кафедры. Запрашаем аспірантаў і суіскальнікаў.

-----

26 кастрычніка кафедра ладзіла абмеркаванне хрэстаматый па старабеларускай літаратуры, што выйшлі з друку ў 2004 годзе ў Мінску (пад рэдакцыяй В.Чамярыцкага), Беластоку (складальнік Г.Тварановіч), Гародні (пад рэдакцыяй У.Кароткага). Беларускія медыявісты падрахавалі здабыткі і акрэслілі шляхі развіцця нашага літаратуразнаўства, перадусім, тэксталогіі .

-----

Беларускі дзяржаўны універсітэт аб'яўляе прыём у аспірантуру на 2004 г. па спецыяльнасці беларуская літаратура. Тыя, хто паступае ў аспірантуру, здаюць уступныя экзамены па спецыяльнасці, замежнай мове і філасофіі ў аб'ёме праграм для вышэйшых навучальных установаў. З праграмамі можна пазнаёміцца на адпаведных кафедрах. Уступны экзамен па спецыяльнасці папярэднічае экзаменам па іншых дысцыплінах. Асобы, якія паступаюць у аспірантуру, падаюць на імя рэктара універсітэта заяву вызначанага ўзору і дадаюць наступныя дакументы: - асабісты лісток па ўліку кадраў, аўтабіяграфію і 2 фатаграфіі; - спіс і копіі апублікаваных навуковых прац; асобы, якія не маюць апублікаваных навуковых прац, падаюць навуковы рэферат па выбранай тэме ў адпаведнасці са спецыяльнасцю. Навуковыя працы ці рэферат рэцэнзуюцца меркаваным навуковым кіраўніком з выстаўленнем адзнакі на адваротным баку экзаменацыйнага ліста; - выпіску з пратакола паседжання савета (факультэта) ВНУ для асобаў, рэкамендаваных у аспірантуру непасрэдна пасля заканчэння ВНУ; - копіі дыплома аб вышэйшай адукацыі і выпіскі з заліковай ведамасці; - ксеракопію працоўнай кніжкі (для тых, хто працуе); - два канверты са зваротным адрасам; - хуткасшывальнік (кардонны); - пашпарт, дыплом аб заканчэнні ВНУ прад'яўляюцца асабіста. Прыём дакументаў у аспірантуру з 20 чэрвеня па 10 верасня 2004 г. Уступныя экзамены праводзяцца з 20 верасня па 15 кастрычніка 2004 г. Залічэнне ў аспірантуру з 1 лістапада. Перад першым уступным экзаменам па спецыяльнасці неабходна забраць у аддзеле аспірантуры экзаменацыйны ліст з пратаколам і пасля экзамена ў гэты ж дзень вярнуць іх у аддзел аспірантуры. Дакументы накіроўваць на адрас: 220050, Мінск, прасп. Ф.Скарыны, 4, БДУ, адзел аспірантуры, тэл. 209-54-23, 209-51-73.

-----

20 чэрвеня 2004 года ў мястэчку Пяршаі Валожынскага раёна адбыліся V Міжнародныя Ракаўскія чытанні "Вінцэнт Дунін-Марцінкевіч (1808-1884) і працэс міжславянскага культурнага ўзаемадзеяння". Удзельнікі чытанняў (сярод іх - тры супрацоўнікі кафедры гісторыі беларускае літаратуры) усклалі кветкі на магілу Беларускага Дудара, наведалі мясціну, дзе колісь знаходзіўся ягоны дом, пакланіліся пню, што застаўся ад ліпы, пасаджанай рукою песняра.

-----

20 чэрвеня дзень нараджэння дацэнта кафедры Сяргея Валер'евіча Кавалёва. Віншуем!

-----

30 чэрвеня - 3 ліпеня 2004 года супрацоўнікі кафедры прымуць удзел у чарговай ХІ Міжнароднай навуковай канферэнцыі, якую ладзіць Польскае таварыства беларусістаў. Упершыню месцам правядзення канферэнцыі абраны Кракаў.

-----

7 чэрвеня а 12 гадзіне адбудзецца чарговае пасяджэнне кафедры гісторыі беларускае літаратуры.

-----

8-9 мая 2004 года на базе САК БДУ "Брыганціна" адбыліся V навуковыя кафедральныя чытанні "Беларуская літаратура ХІ-ХІХ стст.: паэтыка, тыпалогія, мастацкія традыцыі". Супрацоўнікі кафедры і аспіранты абмеркавалі пытанні тэксталогіі твораў ХІІІ-ХIV стст., паэтыкі драматургіі і прадмоўна-пасляслоўнага комплексу выданняў XVI ст., атрыбуцыі "Энеіды навыварат" і "Тараса на Парнасе" ды іншых твораў XVIII-ХІХ стст. Даклады ўдзельнікаў чытанняў будуць надрукаваныя ў пятым выпуску "Працаў кафедры гісторыі беларускае літаратуры Белдзяржуніверсітэта".
		Пасля чытанняў былі наладжаны спартыўныя спаборніцтвы па настольнаму тэнісу, плаванню, баскетболу. Наступныя кафедральныя чытанні мяркуецца правесці ў верасні 2004 г.

-----

30 красакавіка дзень нараджэння дацэнта кафедры Ірыны Эрнстаўны Багдановіч. Шчыра і сардэчна віншуем! Спакваля спакусьлівы матыў Разьняволіць плойму крыўд, амбіцый... Дай мне сілы, Госпадзе, у тым, Каб за ўсіх нялюбых мне маліцца, Каб уратаваць сваю душу Ад памкненьняў помсьлівых і злосьці, Каб драпежны і няварты хтосьці Сьвет ня засьціў, Госпадзе, прашу... (Ірына Багдановіч. Вялікдзень: Вершы. Менск,1993)

-----

23 красакавіка а 14 гадзіне адбудзецца пасяджэнне кафедры гісторыі беларускае літаратуры.

-----

13 красавіка а 14 гадзіне пачне сваю працу студэнцкая навуковая канферэнцыя. Бяруць удзел семінарысты кафедры, студэнты 2-5 курсаў. Запрашаем таксама аспірантаў і магістрантаў.

-----

З 1.03 да 26.03 абнаўленняў на старонцы не было ў сувязі з рэканструкцыяй сервера.

-----

17 сакавіка спаўняецца 85 гадоў з дня нараджэння Ларысы Лявонцьеўны Кароткай, якая працавала ў 1993-1994 гг. на кафедры гісторыі беларускае літаратуры. Шчыра і сардэчна віншуем!

-----

5 сакавіка дзень нараджэння дацэнта кафедры Таццяны Пятроўны Казаковай. Шчыра і сардэчна віншуем!

-----

2 сакавіка а 14 гадзіне адбудзецца пасяджэнне кафедры гісторыі беларускае літаратуры.

-----

   24.02.2004   

На нашай старонцы з'явўся раздзел Семінар, дзе будуць змешчаны лекцыі выкладчыкаў, матэрыялы для завочнікаў, тэмы рэфератаў, дыпломных, курсавых, кантрольных працаў ды інш., а таксама адрас кафедральнае паштовае скрынкі.

-----

   14.02.2004   

Працуе раздзел Каляндар - хроніка гісторыка-культурнага і літаратурнага жыцця Беларусі.

-----

   12.02.2004   

Сёння на свет з'явіўся новы раздзел Бібліятэка - там размешчана некалькі тэкстаў беларускай літаратуры XVIII стагоддзя.

-----

   09.02.2004   

Вітаем шаноўнае спадарства на нашай старонцы! На гэты момант працуе толькі раздзел Пра кафедру, але ўжо ў хуткім часе стануць даступнымі і іншыя. Сачыце!

-----

На галоўную